Universidad Veracruzana

---

Tlen moneki pampa timomachiotis ipan posgrado UV

1. Ximomachioti ipan teposamatl web https://www.uv.mx/escolar/posgradoenero2020/  Kualtis timomachiotis ipan semeh tonalmeh tlen pewah tonalli 27, metztli agosto, iwan tlamih tonalli 27, meztli septiembre, ipan xiwitl 2019.
2. Xitlaxtlawa tlen moneki pampa kualtis tikihkuilos tlatamachiwaloni.  Kualtis titlaxtlawas ipan tonalmeh tlen pewah tonalli 28, metztli agosto, iwan tlamih tonalli 30, metztli septiembre, ipan xiwitl 2019. Itech ininkeh tonalmeh xiktlehkolti amatl tlen kihtowa yi otiktlaxtlawih (constancia de pago de examen)
3. Xiktlehkolti amatl tlen kihtowa kanin tichanchiwa (comprobante de residencia) ipan tonalmeh tlen pewah agosto 28 iwan tlamih octubre 3, 2019.
4. Xikintlehkolti amameh tlen moneki, ipan tonalmeh tlen pewa agosto 28, iwan tlamih octubre 12, 2019.  Ininkeh amameh moneki:
   1. Título profesional, noso se amatl tlen kihtowa yi otitlanki monemachtilis.  Moneki original iwan copia.
   2. Amatl tlen kihtowa tlen ixtlamachtilistli otimomachtih, noso tlen calificaciones otikkixtih ipan lisensiatora.  Moneki tikpias promedioh 7 noso okachi.  Tla otimomachtih wehka ipan okse tlalnantli, moneki tiktemakas equivalencia.
   3. Síntesis curricular (san ken tikneki tikihkuilos)
   4. Se tlahkuilolistli kanin tikihtos tleika tikneki timomachtis inin maestriah (carta exposición de motivos).
   5. Iixkopinkayoh moxayak (fotografía tamaña infantil)

5. Moneki tiknankilis tlatamachiwaloni EXANI – III ipan noviembre, 10, 2019. Inin tlatamachiwaloni tikpehpenas kanin tikneki tikchiwas, keman timomachiotis.

Tlen okachi moneki pampa timomachiotis itech inin ixtlamachtilistli

1. Moneki tiwallas itech tlamachtiloyan UVI kampa timosepantlapowiskeh ipan tlen tikneki tikchiwas ika inin tlamachtilistli. Kualtis tiwallas ipan semeh tlamachtiloyan UVI (Ixhuatlán de Madero, Espinal, Tequila, Huazuntlán y Xalapa) ipan semeh tonalmeh tlen pewa 28 ipan octubre iwan tlami 7 ipan noviembre, xiwitl 2019.
2. Moneki tiknankilis tlatamachiwaloni Exameh de Habilidades de Náhuatl (EXHANA ipan tonalli 9, metztli noviembre, 2019.
3. Moneki tikihkuilos se amatl kanin tikihtos tlen tikneki titlatemos (tlen ipan titekipanos ipan maestriah). Ne tlani, tikittas tlen moneki kipias inon tlahkuilolistli. Inin anteproyecto, tiktemakas ipan semeh tlamachtiloyan UVI (Ixhuatlán de Madero, Espinal, Tequila, Huazuntlán iwan Xalapa) noso kualtis tiktitlanilis ika PDF .

Tlen moneki ihkuak pewa timomachtis

Akinmeh panoskeh tlatamachiwaloni moneki motlapowiskeh iwan itlayekanki maestriah ipan tonalmeh tlen pewa 20 iwan tlami 31 ipan metztli enero, 2020.  Ompa tiktemakas amameh tlen moneki iwan tiktlaxtlawis momachiotilis.  Ininnkeh amameh monekiskeh:

Tla tikneki se tlahtlanilistli, noso okachi tikneki tikmatis, xiknotza tlayekanki ipan inin maestriah.