Akin se kineki ma momachti:
Inin ixtlamachilistli kinnotza profesionistah akinmeh kitlasohtla iwan kixmati inawaixtlamachilis, akinmeh nawatlahtowah, iwan tekipanowah inawak masewalaltepemeh, akinmeh kinekih kichikawaltiskeh nawatlahtol iwan nawaixtlamachilistli, akinmeh kinekih tekipanoskeh pampa kiyektlaliskeh tlen amo kualli ipan totlalwan iwan toaltepewan, pampa ma mopatiitta totlahtol iwan tonemilis.
Akin momachtisneki moneki kipias:
- Ixtlamachilistli, ipan tonawanemilis iwan tonawaixtlamachilis. Noihki moneki kimatis ken tekipanos ika tepostlahkuilol.
- Tekichikawalistli, pampa kualli ma tlahto iwan kualli ma tlahkuilo ika nawatl. Noihki moneki kixmatis okse tlahtolli kemin kastiyatlahtolli, inglestlahtolli noso okse.
- Yolchikawalistli, ika tlen kualtis kiyehyekos tlen mochiwa inawak altepemeh, iwan kualtis kiyehyekos tlen moneki, tlen poliwi pampa ma moyektlalih tlen amo kualli. Noihki moneki ma kualti kichiwas tlatemolistli inawak masewalaltepemeh.
- Yolmachilistli, tlen ika kualtis sepantekipanos inawak oksekimeh momachtihkeh, iwan kualli ma kichiwa, ma kipanitta tlatlamanyotl, ma kipanitta masewalyotl.
Akin tlamis inin ixtlamachilistli:
Momachti akin tlamis momachtis nikan, kipias:
- Ixtlamachilistli yankuik iwan chikawak, ipan tlen mochihtok ipan masewalaltepemeh. Ixtlamatis iwan kualtis tekipanos ika eyi ohmeh tlen kitemaka inin ixtlamachilistli. Noihki tekipanos pampa ma mochikawalti iwan moyankuiti nawatlahtol ompa kanin tekipanowa; okachi kixmatis nawatoltekayotl, nawatlahtol iwan nawatlahtolmelahkayotl. Kualli kixmatis itlahkuilolmachiotilis nawatlahtol.
- Tekichikawalistli, pampa ma kihto ken moneki mochiwas tlahtoltlatemolistli ika nawatl. Kualtis tlahtos iwan tlahkuilos ika nawatl ika miak chikawalistli. Kualtis kixitinis iwan kixehxelos ixtlamachilistli ika nawatl. Kualtis kipalewis pampa oksekimeh nawatlahtohkeh ma moyolyemanakan iwan ma kichikawaltikan itlahtol. Kualti kipalewis pampa ma yeto tlahtolkuepalistli ika nawatlahtol.
- Yolchikawalistli tlen ika kiselis tlatlamantli tlachialistli, tlayehyekolli iwan tlanohnotzalistli ika nawatl. Welis kipalewis pampa ma moyankuiti nawatlahtol. Kualtis kittas iwan kahsikamatis tlen owihkayotl kipia nawatlahtolli iwan kualtis kiyehyekos ken kachiwas iwan kiyketlalis inon owihkayotl.
- Yolmachilistli, ika kinekis kipalewis ialtepeh iwan tekipanos inawak masewalaltepechankeh.
