Inin maestriah, motlachilia axkan mahtlaktli xiwitl, kemin se chikawak ixtlamachilistli tlen kichiwas miakeh nechikolismeh kanin nawatlahtohkeh moixmatiskeh iwan motlapowiskeh; motlachilia kemin se tlamachtilistli kanin mochikawaltia tlahtolkuepalistli iwan tepantlahtolistli inawak altepemeh iwan nawatlahtohkan; kipalewis pampa ma yeto tlanawatilmeh iwan oksekimeh tlanehnekilmeh tlen kichikawaltiah nawatlahtol; motlachiliah kemin se tlamachtilistli tlen kipalewis pampa ma yeto se masewaltlamachtihkayotl tlen yi nelli intech powi masewalmeh. Noihki motlachilia kemin se kualli ixtlamachilistli tlen kinpalewis tlamachtihkeh iwan momachtihkeh, iwan oksekimeh profesionistah, pampa ma tlahtohkan iwan tlahkuilokan itlahtol, iwan ma kipalewikan masewalaltepemeh iwan ma kinmalwikan tlahtoltlanawatilmeh tlen totech powi. Inin maestriah noihki kineki kichiwas UV ma yeto se tlamachtilistli kanin motlamachtia amo san ika se tlahtolli, kineki ma yeto tlahtoltlatlamanyotl itech UV.
