{"id":6822,"date":"2015-12-14T23:54:18","date_gmt":"2015-12-15T05:54:18","guid":{"rendered":"https:\/\/www.uv.mx\/uvi\/?p=6822"},"modified":"2015-12-15T10:50:20","modified_gmt":"2015-12-15T16:50:20","slug":"tinehnentokeh-pampa-ma-moyektlali-nawatlahtolli-ixkomakatilismeh-itech-kaltlamachtiloyan-uvi","status":"publish","type":"post","link":"https:\/\/www.uv.mx\/uvi\/general\/tinehnentokeh-pampa-ma-moyektlali-nawatlahtolli-ixkomakatilismeh-itech-kaltlamachtiloyan-uvi\/","title":{"rendered":"Tinehnentokeh pampa ma moyektlali nawatlahtolli: ixkomakatilismeh itech kaltlamachtiloyan UVI"},"content":{"rendered":"

Inin 05 iwan 06 tlen noviembre tlen opanoh, kaltlamachtiloyan Universidad Veracruzana Intercultural, Wextekapan Tlalli, okichih[1<\/strong>] Inik se Nawatlahtolnechikolistli itech Veracruz, kanin omotlapowihkeh, omokamawihkeh iwan okuanemilihkeh ken wel tikyektlaliskeh itlahkuilolis nawatlahtol, iwan itlamachtilis, iwan ken wel tikchikawiliskeh masewaltlahtol itech kaltlamachtiloyan. Inin tekitl omochih[2<\/strong>] ihtik weyi ilwitl kampa UVI okahxili mahtlaktli xiwitl tlen opehki. Noihki inin tekitl kipalewia pampa masewaltlahtol amo ma mopoloh, amo ma moilkawa iwan amo ma moachiwa itech inin tlalnankotonalli Veracruz.<\/p>\n

Kanah nawipowalli momachtihkeh okatkah ich inin nechikolistli. Okachi miakeh okamatiayah, otlapowayah nawatl iwan kastiyatlahtolli. Noihki okimatiayah oksekimeh masewaltlahtolmeh. Owallahkeh momachtihkeh tlen Wextekapan, Wehweyi Tepemeh iwan Selvas tlalmeh, iwan ihkon okichihkeh se tlanohnotzalistli intercultural iwan interdialectal. 80% tlen omochih, okichihkeh ika nawatlahtolli. Inin amo keman achto okichihkeh oksekan. Amo moixmati okse kaltlamachtiloyan kanin omochih se tlanohnotzalli itech nawatlahtol kanin nochi ixtlamachilistli omochih ika nawatl. Noihki otikpixkeh tlahtolkuepkeh akimeh okinpalewihkeh yehwan[3<\/strong>] akimeh amo okimatiayah nawatl.<\/p>\n

Itech nechikolistli, otekipanohkeh tlamachtihkeh Mtro. F\u00e9lix Antonio Jauregui (tlayakanki itech tlahtolixtlamachtiltlachialistli ompa Selvas), Dr. Rafael Nava Vite (tlayakanki itech tlahtolixtlamachtiltlachialistli ompa Wehweyi Tepemeh), Mtro. Carlos Octavio Sandoval Arenas (tlayakanki itech tlanawatilixtlamachtiltlachialistli ompa Wehweyi Tepemeh), Antrop. Jose Alvaro Hernandez Martinez (tlayakanki itech tlahtolixtlamachtiltlachialistli ompa Wextekapan Tlalli), Mtra. Daisy Bernal Lorenzo (tlayakanki itech normalizacion ling\u00fc\u00edstica ompa DUVI), Dr. Miguel Figueroa-Saavedra Ruiz (tlatemohki itech Instituto de Investigaciones de la UV) iwan Mtra. Mar\u00eda Isabel Miranda Landa (tlayakanki itech Seguimiento Acad\u00e9mico ompa DUVI).<\/p>\n

$\"Palabras$ <\/a><\/p>\n

Inin tekitl opehki ika iteixpantilis amoxtli tlen itoka \u201cEl nahua de la Huasteca y el primer mestizaje. Treinta siglos de historia nahua a la luz de la dialectolog\u00eda\u201d, tlen okihkuilo Dr. Andr\u00e9s Hasler Hangert. Mtro. Jorge Dolores Bautista okiteixpanti ika kastiyatlahtolli iwan Jazm\u00edn Cruz Mart\u00ednez, momachti tlen UVI Wextekapan Tlalli, okiteixpanti ika nawatl. Dr. Rafael Nava Vite okiyekanki inin teixpantilistli iwan nochipa okamawi ika nawatlahtol. Niman otikkakkeh tlamachtikatzintli Andr\u00e9s Hasler, akin okintlahpaloh iwan okintlasohkamatili momachtihkeh ika nawatlahtolli.<\/p>\n

Momachtihkeh tlen owallahkeh, otekipanohkeh ich eyi tlasentilismeh: 1) Itlahkuilolis nawatlahtol; 2) Nawatlahtol itech kaltlamachtiloyan; 3) Ken wel mochikawaltis iwan moskaltis tlatlamantli nawatlahtolmeh. Nochi omochih ika nawatl pampa ma motlapohkan tlanohnotzalismeh ipan kaltlamachtiloyan ika nawatl. Noihki otikpixkeh tlatlamantli neskayomeh tlen tlatzotzonalli, tlakuikalli, mihtotilistli iwan xochitlahtolli, ika nawatl iwan kastiyatlahtolli.<\/p>\n

$\"Mesa$ <\/a><\/p>\n

Tonalli 06 tlen noviembre, Lic. Faustina Hern\u00e1ndez Meza, akin omomachti itech UVI, okitexipanti itlatemolis tlen kichihtok ipan maestr\u00eda. Inin tekitl kitokayotia \u201cLa UVI y la vinculaci\u00f3n con su entorno social\u201d. Lic. Hern\u00e1ndez kichihtok se maestr\u00eda ompa Bolivia itech se kaltlamachtiloyan itoka Universidad Mayor de San Sim\u00f3n, itech Facultad de Humanidades y Ciencias de la Educaci\u00f3n tlen powi itech Programa de Educaci\u00f3n Intercultural Biling\u00fce kampa nochtin tlalnantin andino. Inin tekitl okiteixpanti ipan kastiyatlahtolli iwan nochi tlen omotlahtlapohkeh niman okichihkeh ika nawatlahtolli. Inin tlamantli tekitl amo keman omochih achto, pampa se momachti okiteixpanti tlen itlatemolis iwan okinankili tlahtlanilistli tlen okichiwilihkeh ika nawatl ipan videoconferencia itech Bolivia.<\/p>\n

Inin nechikolistli okinkahtewili momachtihkeh pakilistli iwan miak ixtlamachilistli. Yehwan okittakeh ken miak ipati inmasewaltlahtol. Tlamachtihkeh akimeh tekipanowah ika tlahtolmeh, noihki okichikawaltihkeh intlachialis ika tlen kinekih kichiwaskeh se kualli, se yektli tekitl pampa ma mochikawalti masewaltlahtol. Inin tekitl okinexti ken tlamachtihkeh yi omoyolehkeh ika se kualli tlamachtilistli iwan ika tlanawatilli tlen intech powi masewaltlahtolmeh.<\/p>\n

$\"Asistentes$ <\/a><\/p>\n

Inin nechikolistli omotzak ika se plenaria, se tlanohnotzalistli, kanin okiselihkeh nochtin tlayehyekoltin iwan nochtin mosenkawalismeh tlen okiskeh, iwan nochtin omokahkeh kichiwaskeh inik ome Nawatlahtolnechikolistli ipan 2016, iwan ihkon tikintopewaskeh masewalmeh ma tlapowakan, ma kamatikan masewaltlahtol itech kaltlamachtiloyan iwan itech masewalaltepemeh. Inin \u00e1rea de normalizaci\u00f3n ling\u00fc\u00edstica itech UVI iwan olocholistli tlen tekipanowa ika tlahtolmeh, kinekih kinchikawiliskeh momachtihkeh, iwan kipatlaskeh tlen amo kualli mochiwa pampa amo ma ixpoliwi masewaltlahtol.<\/p>\n

[1] Nepa Wextekapan Tlalli moihtowa \u201ckichihki\u201d. Ininhwantin nochipa kanin kihtowah itlah tlen \u201copanoh kawitl\u201d, amo kitlaliliah \u201co-\u201c.
\n[2] Nepa Wextekapan Tlalli, keman kihtowah itlah tlen \u201copanoh kawitl\u201d nochipa kitlaliliah \u201cki\u201d. Tzonkolihkan Nawatl kihtowah \u201comochih\u201d, Wextekapan tlalli kihtowah \u201cmochihki\u201d
\n[3] Nepa Wextekpan Tlalli kihtowah \u201cininhwantin\u201d. Tzonkolihkan Nawatl kihtowah \u201cyehwan\u201d.<\/p>\n

Mtra. Daisy Bernal Lorenzo, DUVI
\nMtro. Carlos O. Sandoval Arenas, UVI Sede Regional Grandes Monta\u00f1as
\nMtra. Mar\u00eda Isabel Miranda Landa, DUVI
\nNoviembre 6, 2015<\/em><\/strong><\/p>\n

Esta Nota publicada tambi\u00e9n en idioma espa\u00f1ol en este Micrositio<\/a><\/p>\n","protected":false},"excerpt":{"rendered":"